சிறுமிக்கு பாலியல் தொல்லை: 3பேர் போஸ்கோ சட்டத்தில் கைது!

கோவில்பட்டி அருகே சிறுமிக்கு பாலியல் தொந்தரவு கொடுத்த 3பேரை போஸ்கோ சட்டத்தில் போலீசார் கைது செய்து சிறையில் அடைத்தனர். 

தூத்துக்குடி மாவட்டம், கோவில்பட்டி அருகே வள்ளிநாயகபுரத்தைச் சார்ந்த ராமநாதன் மகன் காளிராஜ் (26), ஆண்டவன் மகன் பாண்டிச்செல்வம் (23), லட்சுமணன் மகன் பால்ராஜ் (35) ஆகியோர் 16 வயது சிறுமிக்கு அடிக்கடி பாலியல் தொந்தரவு கொடுத்து வந்துள்ளனர்.இது தொடர்பாக கோவில்பட்டி அனைத்து மகளிர் காவல் நிலையத்தில் சிறுமியின் பெற்றோர்கள் புகார் செய்தனர். புகாரின் பேரில் இன்ஸ்பெக்டர் பத்மாவதி போஸ்கோ சட்டத்தில் வழக்கு பதிவு செய்து 3பேரையும் கைது செய்தார். பின்னர் 3பேரும் கோவில்பட்டி கிளை சிறையில் அடைக்கப்பட்டனர்.